Biografiya

Mamatov Dilmurad Narmuratovich

Yangi asr universiteti o‘quv va ilmiy ishlar bo‘yicha prorektori

2005-2010 yillarda Nizomiy nomidagi Toshkent davlat pedagogika universitetini bakalavr, magistratura va aspiranturada tahsil olgan.

2013 yil 2 oktyabrdan - 26 noyabrgacha Hindistonda o‘tkazilgan “Development of Technical Education to meet the Global Needs” mavzusi bo‘yicha malaka oshirish kursini tamomlagan.

2017 yil 3 oktyabrda pedagogika fanlari bo‘yicha falsafa doktori (PhD) dissertatsiya ishini muvaffaqiyatli himoya qilgan.

2019 yilda dotsent ilmiy unvonini olgan. Hozirda “Raqamli iqtisodiyot sharoitida taʼlimda korporativ hamkorlikni pedagogik loyihalashtirish” mavzusida doktorlik (DsC) dissertatsiyasi ustida ilmiy izlanish olib bormoqda.

Dilmurod Mamatov o‘zining 20 yillik ilmiy–pedagogik faoliyati davomida

4 ta monografiya, 1 ta darslik, 5 ta o‘quv qo‘llanma, 20 tadan ortiq metodik qo‘llanma, 70 dan ortiq ilmiy–nazariy va ilmiy–metodik maqolalar, shulardan 5 tasi Scopus maʼlumotlar bazasi ro‘yxatidagi jurnallarda chop ettirgan.

Fan doktori ilmiy darajasini beruvchi ilmiy seminar aʼzosi hamda Xalq taʼlim vazirligi huzuridagi Respublika taʼlim markazi ilmiy-metodik kengash raisi sifatida faoliyat yuritib kelmoqda.

U o‘z ilmiy-pedagogik faoliyati davomida 1 nafar fan doktori (PhD), 6 nafar magistr va 12 nafar bakalavrlarni tayyorlagan. 17 nafar tadqiqotchiga opponent bo‘lgan.

D. Mamatov 2013 yil 15 noyabrda xalqaro seminar (Jansons institute of technology)da “Technical Education: Global Trends and Challanges” mavzusi bo‘yicha qilgan maʼruzasi xalqaro eʼtirof etilgan.

Seul (Janubiy Koreya), Moskva, Sankt-Peterburg, Qozon (Rossiya), Torgovishte (Ruminiya), Praga (Chexiya), Dubay (BAA) shaharlarida ilmiy seminar va simpoziumlarda o‘z maʼruzalari bilan ishtirok etgan.

2021 yilda “O‘zbekiston mustaqilligining 30 yilligi” ko‘krak nishoni bilan mukofotlangan.

2013, 2014 yillarda “Beruniy” nomli davlat stipendiyasi sohibi hamda “Yil talabasi” tanlovi g‘olibi.

2022 yildan Yangi asr universiteti o‘quv va ilmiy ishlar bo‘yicha prorektori.